དྲིན་ཅན་བླ་མའི་ཞབས་ལ་གསོལ་བ་འདེབས། །
དེ་རིང་སྙན་པའི་གླུ་ཞིག་ལེན་པར་འདོད། །
བྱིན་རླབས་ན་བུན་ལ་ངེ་ལིང་ངེ་འཁྲིགས། །
དངོས་གྲུབ་ཆར་ཆུ་ཟིལ་མ་ཟིམ་ཞིག་འབབ། །
于慈悲上师足下，我祈请。今日我愿唱一首歌，悠扬而甜美，正当加持如薄雾般缭绕飘荡，悉地之雨缓缓飘洒而下。
བདག་དང་ཆོས་མཐུན་སྐལ་མཉམ་གྲོགས་རྣམས་ཀྱིས། །
དགའ་སྐྱོ་གཉིས་འཛོམ་གླུ་འདི་ཐེངས་གཅིག་གསོན། །
མཚན་ལྡན་བླ་མ་མཇལ་བས་དགའ་ནས་ཡོད། །
དོན་ལྡན་ཞབས་ཏོག་མ་ནུས་སྐྱོ་ནས་ཡོད། །
诸位与我同样热爱佛法的友人，请至少聆听一次这首关于喜忧交集的歌。能值遇一位德相具足的上师，是为喜悦；然而未能以任何有意义的方式承事于他，却令我忧伤。
ཕ་མས་ཆོས་ལ་བཏང་བས་དགའ་ནས་ཡོད། །
ཕ་མར་དྲིན་ལན་མ་བསབས་སྐྱོ་ནས་ཡོད། །
དལ་བའི་ལུས་རྟེན་ཐོབ་པས་དགའ་ནས་ཡོད། །
ཆོས་ལ་བརྩོན་འགྲུས་མ་ནུས་སྐྱོ་ནས་ཡོད། །
蒙父母引领趋向佛法，是为喜悦；然而未能圆满报答他们的恩德，却令我忧伤。获得这具足闲暇的人身所依，是为喜悦；然而无法精进于修持，却令我忧伤。
རྟག་འཛིན་བློ་སྣ་ཟློག་པས་དགའ་ནས་ཡོད། །
ཉམས་ལེན་ཕྱི་བཤོལ་ཤོར་བས་སྐྱོ་ནས་ཡོད། །
འཁོར་བ་ཞེན་པ་ཆོད་པས་དགའ་ནས་ཡོད། །
ཐར་བ་ད་དུང་མ་འགྲུབ་སྐྱོ་ནས་ཡོད། །
能扭转执常之念，是为喜悦；然而总是拖延修持，却令我忧伤。能斩断对轮回的一切贪着，是为喜悦；然而尚未成就解脱，却令我忧伤。
ལས་འབྲས་བསླུ་མེད་གོ་བས་དགའ་ནས་ཡོད། །
བླང་དོར་བློ་གྲོས་མ་རྫོགས་སྐྱོ་ནས་ཡོད། །
བདེ་ཆེན་དམ་ཆོས་མཇལ་བས་དགའ་ནས་ཡོད། །
བདེ་དགའ་རྒྱ་མཚོ་མ་ཐོབ་སྐྱོ་ནས་ཡོད། །
能了知业果无欺，是为喜悦；然而于取舍之德行与智慧仍未圆满，却令我忧伤。能值遇大乐之殊胜佛法，是为喜悦；然而未能获得乐喜之大海，却令我忧伤。
སྐྱབས་འགྲོའི་ཡོན་ཏན་དྲན་བཞིན་དགའ་ནས་ཡོད། །
བློ་གཏད་ལིང་བསྐྱུར་མ་ནུས་སྐྱོ་ནས་ཡོད། །
སེམས་བསྐྱེད་རིན་ཆེན་མཇལ་བས་དགའ་ནས་ཡོད། །
གཞན་ཕན་མཐའ་རུ་མ་ཕྱིན་སྐྱོ་ནས་ཡོད། །
能忆念皈依的殊胜功德，是为喜悦；然而无法全然托付一切信心，却令我忧伤。能值遇珍贵的菩提心，是为喜悦；然而未能真正圆满利益他人，却令我忧伤。
བསྐྱེད་རྫོགས་ཟབ་མོ་ཐོབ་པས་དགའ་ནས་ཡོད། །
མཆོག་ཐུན་དངོས་གྲུབ་མ་རྫོགས་སྐྱོ་ནས་ཡོད། །
ཆོས་ཀུན་སྟོང་ཉིད་གོ་བས་དགའ་ནས་ཡོད། །
སྒྱུ་མའི་ལྟད་མོ་མ་རྫོགས་སྐྱོ་ནས་ཡོད། །
能领受生起与圆满次第之甚深教授，是为喜悦；然而未能圆满殊胜与共通的悉地，却令我忧伤。能了知一切法之空性，是为喜悦；然而未能圆满如幻的戏现，却令我忧伤。
རྫོགས་ཆེན་གདམས་ངག་ཐོབ་པས་དགའ་ནས་ཡོད། །
ཉམས་ལེན་གཤོག་རྩལ་མ་རྒྱས་སྐྱོ་ནས་ཡོད། །
འགྲོ་དོན་གྲངས་མེད་མཐའ་རུ་མ་ཕྱིན་པར། །
བསྟན་པའི་རྒྱལ་མཚན་ཕྱོགས་བཅུར་འཛུག་ནུས་ཤོག །
能领受大圆满之口诀教授，是为喜悦；然而未能让修持之双翼广阔舒展，却令我忧伤。在无量无数众生的福祉圆满之前，愿我于十方树立教法的胜利幢！
ཅེས་དགའ་སྐྱོ་གཉིས་འཛོམ་གྱི་གླུ་ཐོལ་བྱུང་སྒྱུ་མའི་ངལ་སྟེགས་ཞེས་བྱ་བ་འདི་ནི། སྔགས་པ་རྡོ་རྗེ་འཛིན་པ་གསང་སྔགས་བསྟན་འཛིན་ནས་བལ་ཡུལ་འཕགས་པའི་ཡུལ་མཆོད་རྟེན་བྱ་རུང་ཁ་ཤོར་གྱི་ཉེ་འགྲམ་རང་གནས་བསམ་གཏན་གྲུབ་པའི་ལྡིང་ཁང་དུ། ཐུན་ལ་གཞོལ་བའི་བར་གསེང་ཞིག་ཏུ་འཇམ་ཆར་དལ་གྱིས་འབབ་པའི་སྐབས་སུ་བཀྲ་ཤིས་རྟགས་བརྒྱད་ཀྱི་གྲངས་ལྡན་གླུ་དབྱངས་འདི་བླངས་པས་ཕན་བདེའི་ཆར་རྒྱུན་རྒྱུན་ཆད་མེད་པར་གྱུར་ཅིག།
《以幻为安歇之基：一首关于喜忧交集的自然之歌》是一首与八吉祥相对应、共八段偈颂的歌，由持守金刚的密咒师桑阿丹增于修法座间的小憩之际、细雨轻柔飘洒之时所唱。此事发生于尼泊尔伟大的博达哈大佛塔附近，于他的住所桑滇竹佩定康——“禅修华盖”。愿其带来利益与安乐之雨绵绵不绝。
རབ་བྱུང་བཅུ་བདུན་པའི་ལྕགས་བྱི་ལོ་བོད་ཟླ་གསུམ་པའི་ཚེས་བཅུ་གཅིག་ཉིན་ཤར་མར་ཡིག་ཐོག་ཏུ་བྲིས་པ་དགེའོ། ། 03/05/2020
于第十七胜生周铁鼠年藏历三月十一日自然写就（03/05/202）。善哉。
